Podrí­a ser el tí­tulu d’un llibru, llenu de suxerencies, preciosu. Y ye, y entá ye más, porque pal Bubisher supon tou un llibru de llibros.
Est grupu, que nací­u nes Asturies más fondes, consigue aunir el verde colos arenales eternos.
El 23 d’avientu celebraron un conciertu solidariu col Sáhara, en collaboración cola Asociación Asturiana d’Amigos del Sáhara. Y agora llanzaron una campaña d’apadrinamientu de llibros pal Bubisher. Lo cual ye tamién una guí­a pa caminantes de la solidaridá: el Bubisher nun quier llevar al Sáhara los llibros que sobren, sinón los llibros que faen falta. Y los que faen falta agora son los qu’ufierta Un Orbayu nel Desiertu na llista que tien colgada en Facebook. Y yá lleven más de cincuenta libros n’apenes diez dí­es.
Un dí­a suañamos qu’el Bubisher podrí­a coordinase con decenes d’iniciatives solidaries y culturales col Sáhara. Pos equí­ ta. Sáhara Habla Español n’Alicante, Conocernos pa Querernos en Galicia, Apadrina un Libro para el Nido en Zamora, Letrasenelsahara en Zaragoza, Un Orbayu nel Desiertu n’Asturies, Librerí­as con Huella nos cuatro puntos cardinales, Limone nel Verde n’Italia, BIS en Suecia… Y la llista sigue creciendo, y tenemos que ser capaces d’aunir pa nun esvalixanos, pa nun esmorecer. El nuesu himnu oficiosu canta «Mano con mano» y asina, nuna cadena interminable, horizontal (como diz Galeano, frente a la desigual verticalidá de la caridá), poder devolver a los saharagí¼is la cultura que los robamos un dí­a desgraciáu xuntu con tolos demás derechos.
Los neños de Ausserd salen nesti momentu de la escuela, incrédulos: llega un bibliobús cargáu de llibros, cai un finu y frescu orbayo sobre la hamada.
Les nubes d’Asturies nel cielu saharagí¼i. Entra en facebook, escueye un llibru, súmate.